HEY BUHEY

Ang Pinakamasarap na KFC

2010-04-18T06:52:00.000-07:00

Ito na siguro ang pinakamasarap na KFC sa buong mundo. Ayan o, sarap na sarap ang bunso ko...

Bread of Torture

2010-04-18T06:43:00.000-07:00

Eto ang bago kong discovery, isang tinapay na pang torture. Ito ang partner ng kape dito sa Hanoi na kasing pait ng apdo.

Tieng Viet

2010-04-18T06:41:00.000-07:00

Medyo kakalito pala dine sa Hanoi. Konting pagbabago sa tono iba na ang meaning. Katulad halimbawa ng PHO, na alam nating noodles ang ibig sabihon. Pho rin pala ang street. Pwede ring deputy, pwede ring urban house. Konting lumabas lang sa ilong ang pagpronounce mo iba na ang meaning. Eto pa. Ang MA katulad din sa atin ay nanay. Pero pwede ring kabayo, multo, libingan, ngunit, pisngi, at punla ng bigas. Santisimax!

Party List

2010-04-05T08:49:00.000-07:00

Ang akala ko nung una, ang party list yung pagdinampot mo ang landline mo, may sasagot na tao sa linya pero wala ka pang dina-dial. Tapos sasabihin sayo, hello sino 'to? Tapos sasagot ka naman, hello, bakit mo ako tatanungin, sino ka? Ayun away kayo, ka-party list mo sya. Yun yun, di ba?

Pero tila iba yata talaga ang party list. Yun yata yung pag nakaipon ng maraming boto ay uupo ang senyor nila sa kongreso bilang kongresista. Por dahil yata para daw mai-represent yung mga minority members of the society.

Aha. Kung ganun magtatayo ako ng party list sa uulitin. Ano kaya ang maganda?

Idea #1: Bloggers Against Loggers. Wag na siguro ito, maganda lang ito sa T-shirt.
Idea #2: ARC-PG. Assn of Rejected Contestants in Pinoy Gameshows. Pwede!

Night Fury and Stitch

2010-04-05T08:24:00.000-07:00

Kakapanood namin ng How to Train Your Dragon nung isang araw. Pansin ko ay kamukha ni Night Fury (aka Toothless) si Stitch. Opps. Alam ko na ang idadagdag mo. Kamukha rin ni Gloria....luma na yan, meyn.

My Long Lost Friend

2010-04-05T02:17:00.000-07:00

Ang galing nga naman, matapos kong makausap si Tony Stark at Bruce Wayne sa Megamall at SM Marikina, respectively, nakasalubong ko naman sa Podium ang matagal ko nag hindi nakikitang barkada. Eto pic namin, together with my daughter Aya.

Mabait Pala Sa Personal si Bruce Wayne

2010-04-05T02:13:00.000-07:00

Mga friends, di ba nung nakaraan nagkita kami ni Tony Stark? Sabi niya mag-ingat daw ako kay Bruce kasi laging aburido pag tag-eleksyon. Pero nung nagkausap kami OK lang sya. Tinanong ko pa nga kung bakit sa labas sya ng pantalon kung mag-brief. Sabi nya nakamaskara naman daw sya kaya hindi sya nahihiya.

Pwedeng mag-Facebook sa Ifugao

2010-04-05T02:08:00.000-07:00

Eto ang pruweba...o, diba?

High Tech Gadget for PAGASA

2010-04-05T02:06:00.000-07:00

Ito na siguro ang pinakahihintay nating technology para sa mas reliable weather-forecasting. Dahil dito ay pwedeng na masesante si Nathaniel Cruz.

Bakit Hindi Nagbago Ang Ekonomiya Kahit Nagka Ondoy

2010-04-05T02:03:00.000-07:00

Hindi baleng basa ang eggs, basta tuyo ang mouse.

Bangkok Dangerous

2010-04-02T19:54:00.000-07:00

Ito siguro ang dahilan kung bakit yung pelikula ni Nicholas Cage ay pinamagatang...Bangkok Dangerous.

Conversation with Tony Stark

2010-04-02T19:37:00.000-07:00

Nakita ko si Tony Stark sa mall. Eto ang pic namin. Sabi nya makati raw ang likod nya, nagpapakamot. Sabi ko kukuha lang ako ng syanse sa crockery section.

Ang Inuming Azanza

2010-04-02T07:53:00.000-07:00

Mga katoto, nahanap ko na ang aking paboritong alak sa balat ng Ponkan. Eto...

Ito ay nabibili sa Pamplona, Spain. Ganito pumunta dun: Kung sa Makati ka mangagaling, sumakay ka ng MRT hanggang Quezon Ave., tapos, sakay ka ng jeep na byaheng Quiapo. Pagdating mo sa may UST, ah...baba ka na. Yun na ang Spain.

Patalastas Naman Muna :-)

2010-04-02T04:04:00.000-07:00

EXCERPT FROM CHAPTER 1

I have very few friends but they are all the non-fair weather kind. I guess the equality principle is a highly reciprocated act. And it becomes a strong adhesive for non-hermits to like and love to live amongst one another in an open society. Lasting friendships are founded upon mutual respect. And the greatest impetus for respect is our ability to create a constant belief in our mind that our friend and/or partner are our equal.. -- from Chapter 1, This is Your Kung-fu: 17 DMNH

Cita Astals

2010-03-31T23:27:00.000-07:00

Naalala nyo pa ba yung si Cita Astals? Comedianne yun sa Phil cinema, at dating naging konsehal sa Maynila. Napanood ko sa Wish Ko Lang, meron palang sakit yun. Sabi ng psychologist na tumingin sa kanya, meron daw psychosis or something. Noong una ayaw kong maniwala, baka kako talagang matalino lang kasi kilala naman si Cita sa kanyang wit. Pero nung in-interview, sabi nya, kaya daw sya nagsasalita mag-isa, kasi naririnig daw nya yung usapan ng mga police na nagcoconspire to kill her through radio frequency transmitters. [Hanggang dito medyo OK pa ako .] May ipinasa daw noon na batas about this. [OK pa rin ako]. At yung batas na yun daw ay naipasa just the other day. [Dito laglag na, naniwala na talaga ako na she needs medical attention]. Mukha naman tutulong yung mga dati nyang kasama sa shows, the likes of Lou Veloso. Tsk tsk. Pagaling ka, Cita.

Warlords

2009-12-12T17:37:00.000-08:00

Ako bilib talaga dito sa mga warlords sa bansa natin. Kay gagaling gagawa ng gulo, pero pagka aarestuhin na o kaya ay nakakulong na, biglang nagsisikip ang dibdib at hindi makahinga, papalipat sa ospital. Style bulok ano po? Walang pinagkaiba dun sa presidente ng Legacy na pinagnakawan yung napakaraming madlang pipol, nung nakadetain na nagsikip din ang dibdib. Eh samantalang ang tibay ng sikmura nyang magnakaw ng pera ng may pera. Yung mga ganyang tao di dapat nagsisisikip ang dibdib, eh matibay pa sa adobe ang mga dibdib pag sa kalokohan eh. Noong araw bago ako naging Christian, pinangarap kong pulbusin ang mga dibdib ng mga yan. Pero ngayon pupulbusan ko na lang sila ng Johnsons. Hindi na pwede yang violence eh, alinsunod sa patakaran ng aking Lord and Saviour.

Las Ilustraciones de Laufer

2009-06-06T06:14:00.000-07:00

http://lauferilustracion.blogspot.com/

Amigos, you may wish to check this out.

Sino ang naka drugs?

2009-06-04T03:29:00.000-07:00

Mga bro, napanood nyo ba yung senate hearing kay Dr. Hayden Kho at Katrina Halili nung mga 2 weeks ago? Aba, lahat ng tanong inaanggulo sa droga, at tila nalalayo sa usaping may nagpasa ng sex video papunta sa mga pirata sa Raon. Heyniwey, sige ang tanong ng mga senador kung nagdradrugs si ganire at si ganire. Eh pag tinitigan mo si Jamby eh kitang kita sya ang parang lakas tama. Eto naman si Bong Revilla, ang lupit ng line of questioning. Opening attack nya kay Dr. Hayden Kho ay... how do you feel now that you have seen Katrina face to face again?

Ah...eh...hindi kita iboboto ulit, loko ka.

Hindi Pala!

2009-03-01T22:10:00.000-08:00

Hindi daw pala impossible na sumipol habang nakapasok ang daliri mo sa ilong. Pero ang impossible daw yung hindi mo ito susubukang gawin matapos mong mabasa na impossible daw. Totoo ba?

Ang alam kong impossible yung sumipol ka habang nakapasok ang daliri mo sa pwet. Oppps, wag mo nang subukan, loko. Sigurado na ako diyan kasi paano ka makakasipol habang umaaray ka sa sakit.

Impossible?

2009-02-27T06:10:00.000-08:00

Totoo ba yung sinasabi nila na hindi mo kayang sumipol habang nakapasok ang isang daliri mo sa ilong?

Swagat Resto sa Makati

2009-02-24T15:44:00.000-08:00

Kung type ninyo ang Indian food, I recommend you try this restaurant: Swagat Indian Cuisine sa Rada St., Makati City. Kita mo naman sa pangalan pa lang Indian na Indian na. Ok dito mga tol. Pagpasok mo pa lang sasalubungin ka na ng ng isang gentle breeze na medyo maputok-putok. Affordable ang prices nila, pwede na mabusog sa sub-Php250. Try nyo yung curry nila sabay order ka rin ng roti, tapos i-dunk mo yung roti sa sarsa ng curry, susmiyo, kay sarap po naman. Tapos ang pambatong desert ay ang Kolfi. Piliin mo yung flavor na Pista. Magugulat ka pagdating ng order mo, ice-cream pala nila yun at yung pista ay pistachio flavor. Kunsabagay sounds like nga ano ha? Eto ang matindi, amuyin mo yung ice-cream, medyo maypagkautot ng konti. Aba pag linasahan mo naman, sooo nice.

Doctor's Advice

2009-01-24T19:10:00.000-08:00

May isi-share akong kwento tungkol sa isang kaibigan na itago na lang natin sa pangalang, Brad. Nagpunta si Brad sa kanyang executive check up, at inadvice sya ng doctor na iwasan ang mga pagkaing matataba, beer, pulutan at iba pa, dahil daw lumalaki na ang tyan nya. Ang ginawa ni Brad, lumipat sa ibang doctor at humingi ng second opinion. Iyong din ang advice ng pangalwang doctor, iwasan ang macholesterol na mga inumin at pagkain. Lumipat ulit si Brad sa iba't ibang doctor. Hanggang sa finally, sabi ng huling doctor na nakunsulta nya, "Brad, simple lang ang problema mo, masyadong maliit ang binibili mong mga T-shirt kaya mukhang malaki ang tyan mo. Bumili ka kaya ng large." Ayun naman pala.

This Guy Looks Like Me!!!

2009-01-24T02:43:00.001-08:00

Rate this performance at The Sims On Stage

Bali, Indonesia Part 2.

2009-01-16T07:37:00.000-08:00

Eto naman ang picture ng beach sa tapat ng Westin. Ang tawag nila sa lugar Nusa Dua. Nusa means Island and Dua means Two. May dalawang isla kasi off the shore. Oo nga naman.

Masarap mag swimmimng kasi kahit pala umuulan dito, dahil nasa equator, mainit at maalinsangan pa rin. Pati tubig medyo lukewarm, yun para bagang pag may konting away ang magsyota, lukewarm and trato sa isa't isa. Yun na nga yun. Tuwang tuwa ang mga Norwegians na kasama ko sa conference. Biro mo pag alis nila sa Norway minus 10 ang temperatura, pagdating sa Bali, 30 degrees. Ayun, pagka check in, swimming agad kahit alas onse na ng gabi kami nakapasok sa hotel.

Sa beach ay meron ding mga gumagalang mga tindero y tindera ng mga pearl necklace at mga sarong, ipit sa buhok, keychains, etsetera. Ayan sila o, mga galing pang vietnam, lumangoy lang.

Bali, Indonesia Part 1.

2009-01-16T07:29:00.000-08:00

Ay salamat, pauwi na rin. Pakatapos ng tatlong conference, pabalik na po ang inyong lingkod sa Maynila. Tunay naman ngang kayganda ng Bali. Kunsabagay parang Boracay din lang, ang kaibahan lang, dito sa Bali, maraming Balinese food. Katulad kanina, nag dessert ako, ang inorder ko ay black rice pudding. Ang dumating sa mesa ay...champorado.

Masarap tumambay sa beach, lalo na at yung Westin Resort ay talagang secured. Ayan ako o, enjoy na enjoy. Isu ngarod.

Best Negotiated Deal of the Century

2008-12-15T03:24:00.000-08:00

Nakinig ako kaninang umaga ng Dos por Dos sa Sais Trenta habang binabaybay ang kahabaan ng C-5, amidst all the traffic. Binalita ni Mr. Taberna, binato daw ng sapatos si George W. Bush sa Iraq. Size 10 p're!

May presscon yata, eh siguro as usual na naman itong si Dubya sa mga hirit nyang wala sa hulog. O ayan, binato sya ng hindi isang piraso ha, kundi isang pares ng sapatos. Iraqi journalist yung bumato. Hindi na ata makuntento sa kakabatikos sa dyaryo, talagang umakyat na ang dugo sa ulo at nawalan na ng self-control.

Nung aakma pa lang daw babatuhin siya, nakita na ng isang perimeter security guy yung culprit. Sinemplehan daw, linapitan at pinigilan. Sabi daw naman ng Iraqi journalist, sige na pre, one time lang. Nangiti daw yung sekyu, naisip siguro, oo nga ano, trip lang. Ayun, pinayagan. Pero ang usapan ata, kailangan pagkabato, didibdiban ng dalawang beses yung bumato para hindi halata. Nagnegotiate pa raw yung bumato, sabi, isa lang payag ako. Sabi ng sekyu, isa lang pero aaray ka ng malakas. sagot ng journalist: call!

Ang matindi naman kay Dubya, nakailag ang ulo, palibhasa magaan lang. Ayan o, tingnan nyo sa picture na hiniram ko sa Yahoo. Teka, pansinin yung reaksyon nung katabing Iraqi official. Aba, mukhang may kinalaman ano ha?

Glutang Ina

2008-12-15T02:35:00.000-08:00

Nagdadrive kami nung isang araw ng isa kong repa, papunta kami sa Mall of Asia para manood ng Mama Mia sa SMX. Nakakita kami ng isang billboard, yung may before and after ni Jinky Oda. Nung maitim pa siya, talagang pinapangit, tayo-tayo ang buhok na parang kinuryente. Tapos nung pumuti siya, aba, kaylinis ng pagkakasuklay. Ang message: pag tomomar ka ng isang tambak na Glutamax, aayos ang buhok mo. Hindi, loko lang. Ang talagang mina-market, yung pagputi ng balat ni Jinky Oda. Effective nga, ang laki ng diprensya! Yung dating parang balat ng siko ng kapitbahay naming piyon, naging kasing puti na ng alak-alakan ni Heart Evangelista.

Ang kaso lang, na-esep namin, eh di na inlove ka sa dating maitim na ngayon maputi na, tapos pinakasalan mo. Eh pag nagkaanak kayo, siyempre maitim pa rin. Tapos hindi mo alam na dati pala siyang maitim. Akala mo tuloy napindeho ka. Sasama ang loob mo, meyn.

Pacquiao

2008-12-07T20:19:00.000-08:00

Nanood kami ng Pacquiao-De La Hoya fight dyan sa Silver City, sa likod ng Tiendesitas. Aba, 7AM pa lang ang haba na ng pila. Pagdating sa loob, upo muna kami, kasi ang alam ko alas onse pa maguumpisa ang totoong laban. Puro pre-fights muna. May isang Argentinian na national champion daw yun, na walang ginawa kundi sumang-ga ng mga straight ng kalaban sa pamamagitan ng pisngi niya. Ayun, mga isang minuto pa lang ng first round, 3 knock downs na, talo. Sabi ng katabi ko, baka daw mag ti TNT lang sa US yun.

Anyway, ang dami ng tao. Sabi ng mga taga Solar, kaya daw kinuha ang Silver City na site kasi sold out lahat ng cinema sites. Ang ganda ng laban, hindi akalain ng mga tao na gugulpihin ni Pacquiao si Golden Boy. Yung isang binatilyo sa harap, tayo ng tayo, sigaw ng sigaw ng yeah! yeah! sabay lilingon sa banda namin, akala mo siya yung magaling na nakikipag pukpukan ng itlog doon sa ring. Nung dumugo ang gilid ng mata ni De La Hoya, tumayo ulit si Kulukoy, lingon ulit, sabay sabi, dumugo na! dumugo na! Eh siyempre kita din naman namin eh nanonood din kami ng laban ano? Akala siguro mga bulag kami.

At the end of it all, naisip ng barkada, sino kayang lalaki sa Pilipinas ang hindi nanood ng laban? Kakaesep namin naka-esep kami ng isa: si Christian Bautista.

Color Blindness

2008-11-29T17:05:00.000-08:00

Nagkwento minsan yung boss kong Norwegian, ang nanay nya daw color blind, Kaya minsan magkaibang kulay ng medyas ang nasusuot. Sabi ko mabuti hindi naipapagpalit ang kutsara sa tinidor. Ay hindi daw naman gawa ng pareho naman ang kulay nung dalawa.

Nag-esep-esep ako, ano kaya ang silver lining ng isang color blind? Aba kagabi na-esep ko rin. Pag color blind ka nga pala, matipid. Kasi kahit black and white lang ang TV mo, way-ay kaso.

Ambulance, Fully-Loaded

2008-11-25T00:17:00.000-08:00

Iba na talaga ang mga modelo ng mga sasakyan ngayon. Etong nabili namin, Kia na 4X4, dinonate ng kumpanya sa isang host barangay bilang isang Ambulance, as part of our Corporate Social Responsibility (CSR) Program sa Magat (Ifugao/Isabela). Tuwang-tuwa si Kap, brand new daw, at fully-loaded. Tiningnan ang cockpit, para mapatunayang kumpleto. Aba, fully air-conditioned hanggang likod. May CD player, cigarette lighter, at higit sa lahat, may steering wheel. Pasyente na lang ang kulang.

Sabi ni Kap, ayos, wala ng sakit ng ulo pag may emergency sa barrio.

Sabi naman nung Plant Manager namin, Kap, ang sasakit lang ang ulo mo diyan, ang krudo ngayon niyan sapat lang mula Maynila at maideliber dito sa planta, kaya pag takbo mo mamaya papunta sa barrio niyo, malamang tumirik yan.

Sabi ni Kap, Ha? Paano yan? Masakit nga sa ulo yan?

Sabi uli ni Manager, wag kang mag-alala Kap, fully-loaded yan. May maliit na drawer yan dyan sa tabi ng CD player, may Biogesic sa loob.

Tacsyapo

2008-11-24T23:40:00.000-08:00

Ang salitang Tacsyapo ay katumbas ng PI sa tagalog. Yes, Philippine Islands po ang ibig sabihin niyan. Sa Science naman ang katumbas nyan ay 3.1416. Ang salitang ito, bilang isang powerful encantation sa dialecto ng mga Kapampangan, ay isang paraan ng paglalabas ng sama ng loob. Katulad din ng iba pang salita na pamparelax, ang Tacsyapo ay maari mong gamiting substitute sa Ilokanong salitang Ukinam Syet, na isa ring salitang pampakalma. Dahil sa tindi ng powers ng salitang Tacsyapo bilang relaxant, ginawa na rin po itong subject o theme ng isang tourist destination sa Gerona, on the way to Baguio. Ayan o, sa picture tingnan nyo. Sa dami baga ng basag na plato at baso diyan, isang patunay ito na ang salitang Tacsyapo ay tunay na pampakalma. Nababalita nga na bumababa na ang sales ng Valium sa lugar na ito. Para sa dobleng epekto po ng salitang Tacsyapo, pwede din po ito dugtungan ng Mebalbal-ya!

Merlion sa may Esplanade Theatre

2008-11-24T23:24:00.000-08:00

Mga bro, pag pumunta kayo sa Singapore, wag daw kayong masyadong lalapit sa Merlion, kasi may mga out-of-this-world experience daw na nangyayari sa mga turista. Kamangha-mangha, ika nga. May nagsabi sa Singaporean TV na ang Merlion daw na ito na malapit sa Esplanade Theatre (hindi yung Merlion sa Sentosa hane?) ay nababalot ng kakaibang aura. Kahit malayo ka raw, pag tumalikod ka sa estatwang ito ay mahihila nito ang buhok mo pataas. Aba, hindi ako naniniwala, sabi-sabi lang yan.

Roof Insulation

2008-11-24T22:40:00.000-08:00

Tingnan nyo ang picture na ito. May napapansin ba kayo? Tumpak! may damo sa bubong. Ganyan ang ibang bahay sa Norway. Ang isang ito ay rest house sa Trysil, isang lugar na nasa bundok, parang ski resort. Animo'y tahanan ng mga Hobbits ano ha? Kaya daw pinapatubuan ng damo ay para maregulate yung temperature sa loob. Pagpatak ng snow, hindi masyadong lalamig yung loob ng bahay gawa ng parang may insulating-effect yung lupa at vegetation. Aba ayos ano ha? Kako naman, eh di sinasampa yung lawn mower sa bubong para i-maintain yung damo? Hindi daw. Ibinabato lang daw yung kambing sa bubong, ayos na. Pagbusog na yung kambing eh di mahuhulog. Pagpatak sa lupa, kaldereta ka, loko.

This Is Your Kung-fu

2008-11-24T04:24:00.000-08:00

Nagtataka ka siguro, bakit kayod ka ng kayod, tapos kinukwenta mo mag kikinseng taon ka nang kumakayod, pero bakit di ka pa rin mayaman? O kaya wag na yung yumaman, yung sumaya na lang. Nagtataka ka sa gabi, bakit pag matutulog ka na, may bumabagabag sa iyong isip, bakit parang may kulang?

Aha, maswerte ka, meron ng sagot sa katanungan mo, eto, This is Your Kung-fu: 17 Mindsets for Non-Hermits. Pag binasa mo ito, malamang hindi ka yayaman, pero baka sasaya ka. At pagkatapos mong basahin ay sasagi sa isip mo pag matutulog ka na, aba, ay kayganda pala ng mundo, it's a fair world!

Ang librong ito na sinulat ni Rodolfo Azanza ay maghahatid sa iyo ng mga kasagutan sa iyong mga katanungan. Si Mr. Azanza ay naging pamoso sa kanyang tumpak na pagsagot sa isang milyong dolyar na tanong nung 1989, sa isang forum sa UP Los Banos: bakit nahihilo ang tao?

Eto ang sagot niya:

Kasi umiikot ang mundo, nagrorotate, natural mahihilo ka.

Saan makakabili? Magsadya po lamang sa http://www.divisoria.com/, and exclusive distributor ng librong ito. Pwede mo ring sundan ang link na ito: http://www.divisoria.net/thisyokufu17.html. Mura lang, 8 dollars lang. May promo until December 31, 2008: Buy 3 for 24 dollars.

Eidfjord, Norway

2008-11-18T22:39:00.000-08:00

Etong picture na to kuha sa Eidfjord, isang maliit na town that hosts a huge hydropower plant in Norway. Nasa veranda ako ng hotel na overlooking sa fjord area. medyo malamig ang simoy ng hangin dahil end of October na ito. Sa sobrang lamig, mapapa-scarf ka ng wala sa oras. Kita mo naman ang scarf ko, hiniram ko pa yan kay Eid Kabalu of Zamboanga del Sur.

Sa Eidfjord kahit saang direksyon ka tumingin, bundok ang makikita mo. And this time of year, siguradong may ice caps na. Sabi nila, pag December daw sa lugar na ito, temperature drops below zero, kaya pagnagsalita ka, buo ang mga letrang lalabas sa bibig mo. Kukunin mo ngayong yung mga letra, ilalagay mo sa hot water, at tsaka mo lamang mariring yung sinabi mo. Ang lupit ano ha?

Red Bamboo Spa in Marikina

2008-11-18T02:55:00.000-08:00

Kung medyo nagawi kayo sa Riverbanks, dyan sa Marikina, pasyal kayo at i-try ang serbisyo sa Red Bamboo Spa. Aba ay kay gigiliw ng mga staff. Lalo na yung cute na nasa front desk. Pagpasok mo pa lang ay sasalubungin ka ng dampi ng eucalyptus scent, at dahil medyo dim light, sa isang iglap ay magbabago ang mood mo na para bagang may naguusbungang mga rosas sa iyong paligid.

Pambato na nga ang ambience, aba, yung masahe pa ay talagang nakalulugod. Mahuhusay silang pumindot ng pressure points. At may mga minamasahe silang mga masel na doon mo lang marerealize na may masel ka pala sa banda roon.

Nung tinanong ko ang may-ari (isang gwapong gwapong mama na ang nickname ay Monch) kung bakit kay gagaling ng mga masseur nila, ang sagot niya eh kasi dati silang bulag.

Ayuuuun, kaya naman pala.

Chinese Zodiac

2008-11-18T02:32:00.000-08:00

Naniniwala ba kayo sa Chinese Zodiac?

Yung friend ko naniniwala sya. Kasi daw ang Chinese Zodiac nya ay Horse, at siya ay laging malat ang boses.

Sabi ko naman sa kanya, ah, kaya pala lagi ako nauuntog, kasi ang Chinese Zodiac ko ay... Dog.

Didto sa Copenhagen

2008-11-17T21:18:00.000-08:00

Mga katoto, i-share ko lamang itong pagpunta ko nung nakaraan sa Copenhagen. Nakita ko doon si Hans Christian Anderson, yung creator ng mga famous fairy tales at children's stories katulad ng Little Mermaid at The Ugly Duckling. Ayan sya, sa likod ko. Nagulat ako kasi una, ang tangkad pala nya, kasing taas nya yung first floor ng City Hall buiding nila. Pangalawa, isa syang rebulto, paano kaya siya nakapagsulat ng mga kwento.

Ang isa pang nakakatuwa sa Copenhagen ay nagkalat ang mga billboard ng Carlsberg. At nakasulat sa ibaba, probably the best beer in the world. Uuuy, alam nila. Natural, probably lang kayo, dahil malamang natikman niyo na ang San Miguel Beer, na kung sa sarap lamang eh pambato nga, at ang tatalo lamang ay...tapuy ng Ifugao.

Best Obama-McCain Joke

2008-11-17T21:13:00.000-08:00

Siguro marami na kayong nadinig na joke tungkol kay Obama at kay McCain. Pero ang da best so far ay narinig ko mula kay David Letterman.

Sabi niya, sa kakapanood daw niya ng campaigns nung dalawa (mga months ago ito), bigla niyang na realize, eto si Obama ay isang young black man, at si McCain naman ay isang old white man. Teka, hindi ba parang beofre and after ito ng buhay ni Michael Jackson?

Oo nga no?

Andersson, Anderson, Andersen

2008-11-16T07:12:00.000-08:00

Mga pre, sa Scandinavia pala madali mong malalaman sa surname kung taga Norway or taga Sweden yung mga kausap mo. Kapag SON ang dulo, Swedish. Kung SEN, Norwegian. Kaya lang may SON din sa Amerika di ba? Ang pagkakaiba naman, pag isang S lang, katulad ng Anderson, ah, Amerikano yan. Kung double S, or SS, katulad ng Andersson, Swedish yan.

Eh paano kung T, katulad ng Anderton?

Ah, bulol lang yun.

Ibaloi is the Language in Heaven

2008-11-16T06:46:00.000-08:00

May kaibigan ako sa Itogon, yung kapitan ng Barangay Tinongdan. Naging kaibigan ko yun kasi for some time ay naghandle ako ng community investments ng company sa lugar ni kap. Nandoon kasi yung isa naming planta, yung 100MW binga hydroelectric power plant. Halimbawa, tumulong ang company na makabili ng multipurpose vehicle ang barangay para may magamit sa mga opisyal na byahe, pati na rin pag may emergency at may kailangang ihatid sa ospital. Eto yung picture namin ni kap ng i-turnover yung sasakyan.

Ang mga tao sa Tinongdan ay mga Ibaloi. Nakakamangha ang kultura nila, ang ganda at ang rich. Minsang dumalo ako sa isang ritwal na kung tawagin ay Kanyao, nagkwento si kap. Sabi niya, Ozone, dapat magaral ka ng Ibaloi. Kako naman, oo nga kap, para sana mas makausap ko kayo ng mas sincero. Hindi yun, sabi ni kap. Para mas makausap mo ng sincero ang Diyos sa langit. Syempre mangha ako, sabay sabi ko bakit ho kap? Sagot nya, kasi ang salita sa langit ay Ibaloi. At para patunayan ka sayo, kami dito pag nagdasal ng Tagalog, hindi sumasagot ang Diyos. Pero pag ang dasal namin sa Ibaloi, may sagot agad. May point, ano ha?

T-shirt Design

2008-11-15T18:10:00.000-08:00

Kahapon medyo walang maayos na palabas sa TV, so nagpunta ako sa rooftop at nagmuni-muni. Sabi ko, paano kaya ako makakatulong sa paglutas ng climate change? Wow, heavy.

May pumasok na ideya sa esep ko. Ano kaya kung mag launch ako ng anti-illegal logging campaign, by way of t-shirt slogans. Eto yung mga t-shirt slogans na naisip ko so far:

1. Save the forest, blog the loggers!
2. Save the forest, sodomize the loggers!

Yung kapitbahay ko naman, nakausap ko nung bandang gabi. sabi niya, ano ba yung sodomize? Bakit hindi na lang yung i-firing squad, at least lahat maiintindihan yun. At sabi pa nya, para daw malakas ang dating, yung wag daw baril ang gamitin, dapat daw kanyon. So ang suggestion niya eto:

Save the forest, canonize the loggers!

Genius din, ano po?

Mais ng Bagabag

2008-11-15T17:50:00.000-08:00

Last week, pauwi ako galing sa planta namin, yung 360MW Magat hydorelectric power plant. Sa gitna yun ng boundary ng Isabela at Ifugao. Paglagpas mo ng Diadi, aapak ka sa Bagabag, bago ka dumating ng Solano. Sa Bagabag, masarap ang mais doon. Habang tinatahak mo ang kahabaan ng highway, may mapapansin kang mga long hair young girls na may hawak-kawak na mga bungkos ng mais, iwawagayway nila ito sa mukha mo, na para bagang sinasabing, hey you, wanna buy my corn?

Sabi ko sa drayber, pare tigil tayo subukan natin yung mais. Balita ko kasi, ang mais sa Bagabag yung tinatawag na native. Yung maliit, maputi, pero pag nginuya mo, aba medyo malagkit. So papara yung drayber ko dun sa isang magandang long hair na pretty girl, sabi ko wag diyan, pili tayo ng pangit pangit ng konti para mas mura. So pumara kami dun sa next. Mura nga, limang piso lang ang isa kung hindi luto. Kung luto naman, beinte ang apat, kasi daw luto na. By the way yung nagtitinda may balat sa arm. Sabi ko miss, bakit nagpatattoo ka ng mapa ng Romblon sa braso. Tawa siya.

Ayun, habang nasa daan kain kami ng mais ng drayber. Galit galit muna kami, walang kibuan. Eto ang nadiscover ko. Mas delikado palang kumain ng mais habang nagdadrive kaysa sa magtext. Bandang Solano medyo umese-ese kami dahil nagbabalat siya ng pangatlo niya. Sabi ko, mula ngayon, may bagong company policy on travel safety. Pwede bumili ng mais sa Bagabag, pero bawal muna kumain hanggang wala sa stopover sa may Sta. Fe.

Hindi sumagot si drayber. Gawa kasi, puno ang bibig.

School Bus Daw

2008-11-15T17:31:00.000-08:00

Eto naman tungkol sa panganay ko, name nya Aya. Mga 4 years ago pinapasok ko sa Christian City Academy sa Libis, siyempre nursery muna. After mga ilang months, aba nagbibida sa bahay, marunong na daw siyang magbasa. Nagpahatid sa school sa akin kasi nandoon daw yung kanyang babasahin. Excited naman ang daddy, hatid sa school kinabukasan, nag pa-late pa sa opisina dahil siyempre malaking balita ito, 3 and a half years old lang, nakakabasa na.

Pagdating sa school, hinila agad ako papunta dun sa gilid ng school bus, na may malaking nakasulat sa side na CHRISTIAN CITY ACADEMY. Sabi ni anak, Dad, eto babasahin ko... SCHOOL...BUS!.

Minura Si Goofy

2008-11-15T09:49:00.000-08:00

Nagpunta kaming Disneyland sa Hongkong mga tatlong buwan ang nakaraan. Paborito kasi ng bunso kong anak na 2 years old (Enya) yung mga Disney characters. Sa maikling kwento, andun na nga kami, aba nakita agad yung mga malalaking mascots. Pila agad kami kay Minnie Mouse. Maiksi lang, nakapapicture agad kami, ayos. Kay Pluto maiksi din, ayos ulit. Pagdating kay Mickey, medyo mahaba na, nagumpisa nang magtantrums ang Enya ko, ang gusto lumundag sa pila para kami na agad. Sa awa ni Lord nakaraos kay Mickey. Eh nakita sa sulok si Goofy, ayun nagsisigaw, puntahan daw namin. Takbo ang mga magulang hila ang mga anak (may panganay kami, si Aya, 7 years old na), sabay park ang stroller, sukbit ang baby bag na puno ng milk powder (walang Melamine ha) at tsupon. Eh mas mabibilis tumakbo yung ibang peyrents, andun kami sa dulo pinulot. Iyak ng iyak ang Enya, after mga 45 minutes umabot kami sa wakas kay Goofy. Sa galit at bagot ng bata, minura si Goofy ng puchayna ikaw Goofy. Sagot naman si Goofy, tenks! Eto ang picture nila. Ganda dun, punta na rin kayo.

Bright Idea

2008-11-15T09:39:00.000-08:00

May naesep akong negosyo. Gagawa ako ng keyboard na yung capslock maliit lang ang button at malayo sa letter A. Kasi sa ngayon, lahat ng keyboard masyadong nakadikit ang capslock button kaya type ka ng type yung pala napindot mo yung capslock at capital letter na lahat ng tinatype mo.

Ano, gusto mong bumakas?

Aba Kataka-taka

2008-11-15T09:27:00.000-08:00

Halimbawang umuulan ano ha? Alam mo ba na pwede kang makarating sa Trinoma magmula sa Paseo Center sa Makati na hindi ka mababasa?

Eto ang gawin mo: Mula Paseo Center, lumabas ka at gumilid sa building sabay pasok sa underground walkway, tapos tawid ka sa kabilang side ng Paseo de Roxas. Paglabas mo sa tunnel, sundan mo lang ang covered walkway pakanan papunta sa Ayala Tower. Tapos mula doon silong ka ulit sa covered walkway along Ayala going to the direction of Makati Avenue, then baba ka ulit sa underground patawid sa Ayala, ang labas mo nun sa malapit sa building ng PLDT o kaya yung bangko na linalandingan ng chopper ni Lucio Tan. Pag sundan mo ang covered walkway mula doon, makakarating ka sa escalator paakyat ng elevated walkway, covered din yun. Sundan mo yun hanggang lumagpas ka ng Ayala Museum, at makakarating ka sa Landmark. Mula doon, eh sundan mo na ang mga dikit dikit na malls ng Glorietta hanggang makarating ka ng SM Makati. Tapos pasok ka sa MRT, bumili ka ng tiket, sakay ka papuntang North Station. Paglabas mo doon Trinoma na.

Kung nagmamadali ka naman, pumara ka na lang ng taxi sa tapat ng Paseo Center, sabihin mo sa drayber dalhin ka sa Trinoma.

Euro Generals

2008-11-15T09:14:00.000-08:00

Nagtataka din ako, medyo mahina ring magesep yung si Retired Gen. De La Paz. Kung ako sya, nung palabas na ako ng Russia at nakita nung taga airport doon yung 105 thousand Euros, sasabihin ko kaagad hindi akin yan. Sasabihin ko dun sa officer, Mr. Officer, isn't that yours, please don't put it in my bag. Aba gago ba naman yung officer na sasabihin niyang hindi kanya yun. Syempre ang isasagot nun, oh really, tenks for reminding me ha?